Friday, June 10, 2016



සීගිරි ලලනා වලප

සේද සළූ ඇද ගතිමි
සුවද මල් හිස ගසමි
දෑසෙ රසදුන් වලින්
රෑ රටාවන්      අදිමි

දාසියෝ            පිරිවරා
සදලු තලයෙන්     බලමි
ඉකි බිදින මව් සෙනෙහෙ
රහසේම මම      සොයමි

පුංචි ගෙපැලේ        එදා
හිමි සෙනෙහෙ ලබමිනා
දරැ දෙදෙන       පිරිවරා
ගෙවු කළ      සිහිවුණා

බත් කවන්නේ      කවුද
දොයි කරන්නේ    කවුද
මගේ පොඩි පැටවු ටික
හිමියනේ        රකිනවද

නිරිදුගේ නෙත       ගැටී
මාළිගෙට ගෙන     යද්දි
හිමි නුඹේ නෙතින් වැටි
කදුළූ මතකයි       තාම

මගෙ වරල    ගවසන්න
කැලෑ මල් නෙලාගෙන
සෙනෙහසින් දුව එන්න
අනේ මා     සනසන්න

සිනිදු සළූවකින්         වැසි
දරැවන්ගේ සෙනෙහෙ කිරි
දරැ පෙමින්     වැලපෙමින් 
වේදනා දෙයි            තාම

රස බොජුන් මට       එපා
සිනිදු සළූ පිළි          එපා
මහිමිගේ සෙවන       යට
සැනසෙන්න ඉඩ දෙන්න

රජ මැදුර සිර           ගෙයකි
හිමිගෙ පැළ සුර     ලොවකි
මව් සෙනෙහෙ මහ  මෙරකි
මට යන්න ඉඩ       දෙන්න

කුමාරි හේරත්


No comments:

Post a Comment